பக்தர்கள் இன்றி கதிர்காமம் கந்தன் ஆலயத்தின் ஆடிவேல் உற்சவம்!

0

கொரோனாத் தொற்றுப் பரவல் காரணமாக இந்த முறை வரலாற்றுச் சிறப்புமிக்க கதிர்காமம் கந்தன் ஆலயத்தின் வருடாந்த ஆடிவேல் உற்சவம் பக்தர்களின் பங்குபற்றல் இன்றி இடம்பெறவுள்ளது.

கதிர்காமம் கந்தன் ஆலய வருடாந்த உற்சவத்தில் சமயச் சடங்குகளுக்கு மாத்திரம் முன்னுரிமையளிக்க தீர்மானிக்கப்பட்டுள்ளதாக ஆடிவேல் உற்சவம் தொடர்பில் முடிவெடுக்கும் குழு தெரிவித்துள்ளது.

இதன்படி, எதிர்வரும் 10 ஆம் திகதி முதல் 23 ஆம் திகதி வரை இடம்பெறவுள்ள உற்சவத்திற்காக ஐந்து நடன குழுக்களை மாத்திரம் இணைத்துக் கொள்ளத் தீர்மானிக்கப்பட்டுள்ளது.

குறித்த நடனக் குழுவின் வருடாந்த உற்சவ ஊர்வலத்திற்கு முன்னதாக கொவிட்-19 பரிசோதனைக்கு உட்படுத்தப்படுவார்கள் என ஆடிவேல் உற்சவம் தொடர்பில் முடிவெடுக்கும் குழு தெரிவித்துள்ளமையும் இங்கு குறிப்பிடத்தக்கது.

LEAVE A REPLY

Please enter your comment!
Please enter your name here