உடல் எடை குறைக்க காத்திருக்கும் மக்களுக்கு மகிழ்ச்சியான தகவல்…!

0

பிரித்தானியாவின் NHS மருத்துவமனைகளில் புதிதாக எடை குறைப்புக்கான தடுப்பூசி பயன்பாட்டுக்கு வரவுள்ளது.

பிரித்தானியாவின் தேசிய சுகாதாரம் மற்றும் பராமரிப்பு சிறப்பு நிறுவனத்தால் (NICE), NHS-ல் பயன்படுத்துவதற்று பரிந்துரைக்கப்பட்டுள்ளது.

Wegovy என சந்தைப்படுத்தப்படும் Semaglutide எனும் இந்த மருந்து, ஒருவர் தங்கள் வயிற்றை முழுதாக உணர வைப்பதன் மூலம் பசியைக் குறைக்கிறது.

ஆரோக்கியமான உணவு மற்றும் உடற்பயிற்சியுடன் சேர்த்துப் பயன்படுத்தும்போது, ​​பருமனானவர்கள் தங்கள் உடல் எடையில் 10 சதவீதத்தை (சராசரியாக 13 கிலோ) இழக்க உதவுகிறது.

NICE-ன் இங்கிலாந்து மற்றும் வேல்ஸிற்கான வழிகாட்டுதல்கள், இன்னும் இறுதி செய்யப்படவில்லை.

இரண்டு ஆண்டுகளுக்கு உயர் இரத்த அழுத்தம் அல்லது இதய நோய் போன்ற குறைந்த பட்சம் ஒரு எடை தொடர்பான உடல்நலப் பிரச்சினை உள்ள பருமனான பெரியவர்களுக்கு பரிந்துரைக்க வேண்டும் என கூறப்படுகிறது.

இந்த மருந்தின் 15 மாத சோதனையில் கிட்டத்தட்ட 2,000 பேர் கலந்து கொண்டனர்.

இது சராசரியாக 15 கிலோ எடை குறைவதைக் காட்டியது.

விஞ்ஞானிகள் இந்த மருந்தின் அதிகமான சிகிச்சைகள் மூலம் உடல் பருமன் சிகிச்சையின் ஒரு புதிய சகாப்தத்திற்கு வழிவகுக்கும் என்று நம்புகின்றனர்.

நியூ இங்கிலாந்து ஜர்னல் ஆஃப் மெடிசினில் வெளியிடப்பட்ட முடிவுகளின்படி, செமகுளுடைடில் உள்ளவர்கள் சராசரியாக 15 கிலோ இழந்துள்ளனர்.

இதய நோய், நீரிழிவு நோய் மற்றும் கடுமையான கொவிட்-19 ஆகியவற்றின் அபாயத்தை எடை குறைப்பதன் மூலம் குறைக்கலாம்.

சிகிச்சையின் பக்க விளைவுகளில் குமட்டல், வயிற்றுப்போக்கு, வாந்தி மற்றும் மலச்சிக்கல் ஆகியவை அடங்கும்.

கூடுதலாக, எடை இழப்பை நீண்ட கால அடிப்படையில் நிலைநிறுத்த முடியுமா என்பது தொடர்பில் ஐந்தாண்டு ஆய்வுகள் நடத்தப்படுகின்றமை குறிப்பிடத்தக்கது.

LEAVE A REPLY

Please enter your comment!
Please enter your name here