இலங்கையில்விநியோகம் செய்யப்பட்ட திரிபோஷவில் நச்சுத் தன்மை!

0

இலங்கையில் சிறு குழந்தைகள், கர்ப்பிணிப் பெண்கள் மற்றும் பாலூட்டும் தாய்மார்களுக்காக வழங்கிய திரிபோஷாவில் விஷம் இருப்பது கண்டறியப்பட்டுள்ளது.

அதனால் திரிபோஷவை மீண்டும் சேகரிக்கும் பணிகள் ஆரம்பிக்கப்பட்டுள்ளன.

இதன்பொருட்டு அதனை தயாரிக்கும் நிறுவனம் நடவடிக்கை எடுத்துள்ளதாக பொது சுகாதார பரிசோதகர்கள் சங்கத்தின் தலைவர் உபுல் ரோஹன தெரிவித்துள்ளார்.

மாதம்பையில் நடைபெற்ற ஊடகவியலாளர் சந்திப்பில் உபுல் ரோஹன இதனை குறிப்பிட்டார்.

திரிபோஷவில் அடங்கியிருக்க வேண்டிய அளவை விட அஃபலரொக்சின் அளவு அதிகமாக காணப்படுகின்றது.

அதன் காரணமாக திரிபோஷ தயாரிப்பு நிறுவனம் அவற்றை சேகரிக்க உத்தரவிட்டுள்ளது.

குறிப்பாக குழந்தைகளுக்கான திரிபோஷ உணவில் அதிகளவான நச்சுத்தன்மை வாய்ந்த மூலம் பொருள் அடங்கியிருந்தமை தெரியவந்துள்ளது.

அந்த வகையில் திடீரென சேமித்து வைக்கப்பட்ட மூன்று சத்துகள் எதற்காக திரிபோஷவில் சேர்க்கப்பட்டது என விசாரணை நடத்தப்பட்டது.

​​தற்போது விநியோகிக்கப்படும் மூன்று ஊட்டங்களில் அதிக நச்சுத்தன்மை வாய்ந்த அஃபலரொக்சின் என்ற பொருள் இருப்பது கண்டுபிடிக்கப்பட்டது.

நாடளாவிய ரீதியில் உள்ள சுகாதார உத்தியோகத்தர் அலுவலகங்களுக்கு அனுப்பப்பட்ட பெரும்பாலான உணவுப் பொருட்கள் தற்போது விநியோகிக்கப்பட்டுள்ளது.

விநியோகிக்கப்பட்ட பெரும்பாலான உணவுப் பொருட்களை குழந்தைகள் மற்றும் தாய்மார்கள் உட்கொண்டுள்ளனர்.

அஃபலரொக்சின் என்ற விஷம் அடங்கிய மூன்று சத்துகளை விநியோகிக்க அனுமதி வழங்கப்பட்டவர்கள் மீது உடனடியாக விசாரணை நடத்தி நடவடிக்கை எடுக்குமாறு கேட்டுக்கொள்ளப்பட்டுள்ளது.

மேலும், சந்தையில் கிடைக்கும் சில குழந்தைகளுக்கான ஊட்டச்சத்து உணவுகளில் அஃபலரொக்சின் உள்ளிட்ட பல்வேறு நச்சுப் பொருட்கள் இருப்பதாகவும் எங்களுக்கு தகவல் கிடைத்துள்ளது.

சந்தையில் ஏதேனும் விஷத்தன்மை கொண்ட உணவுகள் காணப்பட்டால், அதனை விற்பனைக்கு வைத்திருக்கும் உற்பத்தியாளர்கள் மற்றும் விநியோகஸ்தர்கள் மற்றும் வர்த்தகர்களுக்கு எதிராக சட்ட நடவடிக்கை எடுக்கப்படும்.

பொது சுகாதார பரிசோதகர்கள் சங்கத்தின் தலைவர் உபுல் ரோஹன இதனை தெரிவித்தார்.

LEAVE A REPLY

Please enter your comment!
Please enter your name here