‘அண்ணாத்த’ இயக்குனருக்கு இன்ப அதிர்ச்சியை கொடுத்த ரஜினிகாந்த்!

0

சூப்பர் ஸ்டார் ரஜினிகாந்த் நடித்த ’அண்ணாத்த’ திரைப்படம் கடந்த தீபாவளியன்று வெளியான நிலையில் இந்த படத்தை பெரும்பாலான ஆன்லைன் விமர்சகர்கள் நெகட்டிவ் விமர்சனம் செய்தனர் என்பதும் ஆனால் அதே நேரத்தில் குடும்ப ஆடியன்ஸ் திரையரங்குகளில் குவிந்ததால் இந்த படம் மிகப்பெரிய வசூலை எட்டியதாகவும் கூறப்பட்டது.

மொத்தத்தில் இந்த படம் வசூல் அளவிலும் ரசிகர்கள் மத்தியிலும் வெற்றி பெற்ற படம் என படக்குழுவினர் தெரிவித்துள்ளனர். ’அண்ணாத்த’ வெற்றியை இயக்குனர் சிறுத்தை சிவா உள்பட படக்குழுவினர் கொண்டாடி வரும் நிலையில் திடீரென இயக்குநர் சிறுத்தை சிவாவுக்கு சூப்பர் ஸ்டார் ரஜினிகாந்த் அவர்கள் இன்ப அதிர்ச்சி கொடுத்துள்ள தகவல் வெளிவந்துள்ளது.

இயக்குனர் சிறுத்தை சிவாவின் வீட்டிற்கு எதிர்பாராமல் சென்ற ரஜினிகாந்த் அவரது குடும்பத்தினரை ஆச்சரியப்படுத்தியதோடு, இயக்குனர் சிவாவுக்கு தங்க செயின் பரிசளித்து உள்ளார் என்ற தகவல் தற்போது இணையதளங்களில் வைரலாகி வருகிறது என்பது குறிப்பிடத்தக்கது. இதனை அடுத்து மீண்டும் சிறுத்தை சிவா மற்றும் ரஜினிகாந்த் இணைவார்களா என்பதை பொறுத்திருந்துதான் பார்க்க வேண்டும்.

LEAVE A REPLY

Please enter your comment!
Please enter your name here